இந்திய விமானப்படை விமானம் விபத்து! ஐவர் மரணம்!

அசாம் மாநிலம் ஜோர்ஹட்டில் நிகழ்ந்த இந்திய விமானப்படையின் ஏஎன்-32 AN-32 போக்குவரத்து விமானம் இன்று 13 ஜூன  2026 விபத்துக்குள்ளானது.

 முக்கியச் செய்திக் குறிப்புகள் Key Highlights

இந்திய விமானப்படைக்குச் சொந்தமான AN 32 இரட்டை இன்ஜின் போக்குவரத்து விமானம் விபத்துக்குள்ளானது.

இந்த விபத்து ஜோர்ஹட் விமானப்படை நிலையம் Jorhat Air Force Station  அசாம் மாநிலத்தில் நடந்தது.

வழக்கமான பயணத்தின் போது, காலை சுமார் 10:00 மணி அளவில் விபத்துக்குள்ளானது.

 விமானம் தரையிறங்க முயன்றபோது விபத்து நிகழ்ந்துள்ளது. துல்லியமான காரணம் அறிய தற்பொழுது ஆரம்பகட்ட விசாரணைகள் நடைபெற்று வருகின்றன.

 விமானத்தில் பயணித்த 5 விமானப்படை வீரர்கள் சம்பவ இடத்திலேயே உயிரிழந்தனர்.

வீர மரணமடைந்த விமானப்படை வீரர்கள்

இந்தத் துயரமான விபத்தில் தங்களது கடமையை ஆற்றும் போது வீர மரணமடைந்த 5 மாவீரர்களின் விவரங்களை இந்திய விமானப்படை அதிகாரப்பூர்வமாக அறிவித்துள்ளது.

விபத்து குறித்து இந்திய விமானப்படை தனது அதிகாரப்பூர்வ எக்ஸ் (X) தள பக்கத்தில் வெளியிட்டுள்ள செய்தியில்

அசாமின் ஜோர்ஹட்டில் இன்று காலை சுமார் 10 மணி அளவில் வழக்கமான பயணத்தின்போது இந்திய விமானப் படையின் ஏஎன்-32 விமானம் விபத்துக்குள்ளானது. விபத்து நடந்த இடத்தில் மீட்புப் பணிகளும் ஆரம்பகட்ட விசாரணைகளும் தற்பொழுது தீவிரமாக நடைபெற்று வருகின்றன.

இறுதி விசாரணை முடிவுகள் வெளியாகும் வரை விபத்து குறித்து எந்தவொரு தேவையற்ற ஊகங்களையும் Speculations தவிர்க்குமாறு பொதுமக்களையும் ஊடகங்களையும் கேட்டுக்கொள்கிறோம்.

மேலும், நாட்டைப் பாதுகாக்கும் பணியில் இன்னுயிரைத் தியாகம் செய்த இந்த 5 வீரர்களின் மறைவிற்கு இந்திய விமானப்படை தனது ஆழ்ந்த இரங்கலைத் தெரிவித்துக் கொண்டுள்ளதுடன், இந்த பேரிழப்பால் தவிக்கும் அவர்களின் குடும்பத்தினருக்குத் துணையாகத் தற்போதைய இக்கட்டான சூழலில் உறுதியுடன் நிற்பதாகவும் குறிப்பிட்டுள்ளது.

ஏஎன்-32 AN-32 விமானம் பற்றி ஒரு பார்வை

இது உக்ரைன் நாட்டின் அன்டோனோவ் (Antonov) நிறுவனத்தால் தயாரிக்கப்பட்ட, இரட்டை இன்ஜின்கள் கொண்ட நடுத்தர வகை தந்திரோபாய போக்குவரத்து விமானம் Tactical Transport Aircraf ஆகும்.

 இந்திய விமானப்படையில் நீண்ட காலமாக வீரர்கள் மற்றும் அத்தியாவசியப் பொருட்களை மலைப்பாங்கான மற்றும் கடினமான எல்லைப் பகுதிகளுக்குக் கொண்டு செல்ல இந்த விமானங்கள் பெருமளவில் பயன்படுத்தப்பட்டு வருகின்றன.

தற்போது விபத்து நடந்த பகுதியில் மீட்புக்குழுவினர் முழு வீச்சில் ஈடுபட்டுள்ளனர், மேலும் விபத்துக்கான தொழில்நுட்பக் கோளாறுகள் அல்லது வானிலை காரணங்கள் குறித்து அறிய 'கோர்ட் ஆஃப் இன்குயரி' Court of Inquiry விசாரணைக்கு உத்தரவிடப்பட்டுள்ளது.