🇺🇸🇮🇷 அமெரிக்கத் தாக்குதலுக்கு ஈரானின் பதிலடி

செப்டம்பர் 06, 2026 | Tamiloh.com

அமெரிக்கா , ஈரான் இடையிலான பதற்றம் மீண்டும் தீவிரமடைந்துள்ள நிலையில், இரு நாடுகளும் கடல் பகுதியில் பரஸ்பரம் தாக்குதல்களை நடத்தியதாக தகவல்கள் வெளியாகியுள்ளன.

அமெரிக்க மத்திய கட்டளையகத்தின் தகவலின்படி, ஈரானுடன் தொடர்புடையதாகக் கூறப்படும் 3 எண்ணெய் தாங்கிக் கப்பல்கள் கார்க் தீவு, ஜாஸ்க் மற்றும் ஓமன் வளைகுடா பகுதிகளில் அமெரிக்கத் தாக்குதலுக்கு இலக்காகி அழிக்கப்பட்டதாக தெரிவிக்கப்பட்டுள்ளது.

முன்னதாக அமெரிக்காவின் விமானம் தாங்கிக் கப்பல் மற்றும் ஏவுகணை அழிப்புக் கப்பலை ஈரான் ஏவுகணைகள் மூலம் குறிவைத்ததாகவும், அதற்குப் பதிலடியாகவே அமெரிக்க நடவடிக்கை மேற்கொள்ளப்பட்டதாகவும் அமெரிக்கா தெரிவித்துள்ளது.

இதற்கிடையில், ஈரானின் அரசு ஊடகங்களும் புரட்சிகர காவல்படையும் வெளியிட்ட தகவலின்படி, ஓமன் வளைகுடா மற்றும் ஹோர்மூஸ் நீரிணைப் பகுதிகளில் அமெரிக்காவுடன் தொடர்புடையதாகக் கூறப்படும் 3 கப்பல்கள் உள்ளிட்ட பல கப்பல்கள் மீது தாக்குதல் நடத்தியதாக ஈரான் தெரிவித்துள்ளது.

கார்க் தீவு அருகே இடம்பெற்ற தாக்குதலில் கப்பல்களில் இருந்த பணியாளர்கள் மீட்கப்பட்டதாகவும், உயிரிழப்புகள் எதுவும் பதிவாகவில்லை என்றும் ஈரானிய ஊடகங்கள் தெரிவித்துள்ளன.

Tamiloh.com