கனடா வன்கூவருக்கு அனுப்பப்பட்ட தவறான விமானம்!

✈️தவறான விமானம்: ஏர் இந்தியா நிறுவனம் கனடா வழித்தடத்திற்கு Boeing 777-300ERரக விமானங்களை இயக்க மட்டுமே அனுமதி பெற்றுள்ளது. ஆனால், மார்ச் 19 அன்று தவறுதலாக Boeing 777-200LR ரக விமானம் பயன்படுத்தப்பட்டது.

💨நடுவானில் திருப்பம்: டெல்லியிலிருந்து புறப்பட்ட 4 மணி நேரத்திற்குப் பிறகு, விமானம் சீன வான்பரப்பில் (Kunming அருகே) பறந்து கொண்டிருந்தபோது இந்தத் தவறு கண்டறியப்பட்டது. கனடா வான்பரப்பில் நுழைய அனுமதி கிடைக்காது என்பதால் விமானம் உடனடியாகத் திருப்பி விடப்பட்டது.

💨8 மணி நேரப் பயணம்: சுமார் 8 முதல் 9 மணி நேரம் காற்றில் பறந்த அந்த விமானம், இறுதியில் மீண்டும் டெல்லியிலேயே வந்து தரையிறங்கியது.

🚶‍♂️🚶🚶‍♀️பயணிகள் நிலை: விமானத்திலிருந்த 280 பயணிகள் மற்றும் 10 ஊழியர்களுக்கு இந்தச் சம்பவத்தால் பெரும் சிரமம் ஏற்பட்டது. அவர்களுக்குத் தங்கும் வசதிகள் வழங்கப்பட்டு, மறுநாள் மாற்று விமானம் மூலம் கனடாவுக்கு அனுப்பி வைக்கப்பட்டனர்.